Elorda ákimdiginde tsıfrlandyrý boıynsha jańa basqarma qurylady
«Ákimdik quramynda jańadan Tsıfrlandyrý jáne memlekettik qyzmet basqarmasy qurylady. Elbasynyń elimizdi álemniń eń ozyq 30 memleketiniń qataryna qosý týraly naqty tapsyrmasy bar ekenin jaqsy bilesizder. Bul, sáıkesinshe jańa ınnovatsııalyq damý men jedel texnologııalyq ózgeristerdi talap etedi», - dedi ol.
Ákimniń aıtýynsha, búginde elordada «Smart Astana» jobasy júıeli túrde júzege asyrylýda. Jáne ol aldymen xalyqtyń jaǵdaıyn jaqsartýdy, qolaıly qyzmetterdi usynýdy kózdeıtin zamanaýı joba.
«Búginde tsıfrlandyrýdyń eń áýeli eńbek ónimdiligin arttyrýda, qarapaıym xalyqqa jáne kásipkerlerge sapaly qyzmet kórsetýdi qamtamasyz etýde tıgizer yqpaly zor. Sondaı-aq, jyldam ári qaýipsiz aqparat usynýǵa, derekterdi jınaqtaý, óńdeý, adam kapıtalyn damytý, ıaǵnı kreatıvti qoǵam qalyptastyrýǵa múmkindik beredi», - deıdi B. Sultanov.
Onyń aıtýyna qaraǵanda, ákimdikte bastalǵan transformatsııanyń ekinshi kezeńi bas qalanyń zaman talaptaryna jaýap berýine jáne odan ári damýyna oń áserin tıgizýi tıis.
«Osyǵan oraı, barlyq orynbasarlaryma memlekettik organdardyń qyzmetin jan-jaqty zerdelep, ony jaqsartý jaıly naqty usynystar engizýdi tapsyramyn. Bul atalǵan salalarǵa ǵana emes, ózge de baǵyttarǵa da qatysty. Qyzmetterdiń qaıtalanýyn boldyrmaý úshin memlekettik apparattyń qyzmet sapasyn arttyrýymyz qajet», - dedi elorda ákimi.