Elorda ákimdiginde azamattardy qabyldaıtyn kabınet ashyldy
NUR-SULTAN. QazAqparat - Nur-Sultan qalasy ákimdiginiń birinshi qabatynda azamattardy qabyldaý bólmesi ashyldy, dep habarlaıdy Elorda Info. Bul týraly ákim orynbasary Baqtııar Máken Іnstagram paraqshasynda jazdy.
«Ákimge jáne orynbasarlaryna jazylǵan azamattardyń sany óte kóp. Endi áriptesterimizben kestege sáıkes jazylǵan azamattardy kezegimen qabyldaımyz. Búgin 19 shildede meniń qabyldaýymda 30-ǵa jýyq azamat boldy», - dep jazdy Nur-Sultan qalasy ákiminiń orynbasary Baqtııar Máken.
Azamattardyń kópshiligin áleýmettik máseleler tolǵandyratynyn atap ótken ol adamdar quqyqtyq, psıhologııalyq, taǵy da basqa keńesterge de zárý ekenin jetkizdi.
«Halyqqa qyzmet kórsetý ortalyqtarynan alýǵa tıis keıbir anyqtamalardy ákimdikten tez sheship berýdi suraǵandar da boldy. Tıisti basqarmalarǵa turǵyndarmen tyǵyz qarym-qatynasta bolýdy, halyqqa memlekettik baǵdarlamalardy túsindirý jumystaryn kúsheıtýdi tapsyrdym», - dedi ol.
