Elorda ákimdigi jekemenshik kompanııamen balabaqsha salý týraly kelisimdi buzdy
NUR-SULTAN. QazAqparat – Astananyń bilim basqarmasy jeke kompanııamen jasalǵan balabaqshalar salý týraly kelisimniń kúshin joıdy, dep habarlaıdy QazAqparat tilshisi.
Bul týraly Nur-Sultan qalasy bilim basqarmasy bastyǵynyń mindetin atqarýshy Narıman Elamanov qalalyq máslıhatttyń bıýdjet, ekonomıka, ónerkásip jáne kásipkerlik máseleleri jónindegi turaqty komıssııanyń otyrysynda aıtty.
«2017 jyly elordanyń bilim basqarmasy men «TERMO-KLIMA MK» JShS arasynda kelisimshart jasalǵan bolatyn. Alaıda, 2017 jyldyń shildesinen bastap búgingi kúnge deıin jeke seriktes bir de bir balabaqsha salǵan joq», - dedi Narıman Elamanov.
Osylaısha kompanııamen aradaǵy shart buzylǵan. Endi osy joba boıynsha memlekettiń mindettemeleri týraly máslıhat sheshimderine ózgerister engizý qajet kórinedi.
Atalǵan sharada bilim berý obektileri ne beriletin memlekettik mindetteme tólemderin qaıta qaraý týraly sheshim qabyldanǵan bolatyn.
«Esil aýdanynda jańa mektepter paıdalanýǵa berilip, 1 qyrkúıekten bastap óz jumysyn bastady. Osyǵan baılanysty nysandardy paıdalaný merzimi 66 aıdan 60 aıǵa deıin ózgertildi. Tıisinshe, memlekettik mindettemeler boıynsha tólem kestesi qaıta qaraldy», - dedi ákimdik ókili.
