Elorda ákimdigi jeke avtobýs parkteriniń qyzmetin qatań baqylaýǵa alady
ASTANA. QazAqparat - Elorda ákimdigi jeke avtobýs parkteriniń qyzmet kórsetý sapasy men mádenıetin qatań baqylaýǵa alatyn bolady. Bul jaıynda Astana qalasynyń ákimi Áset Isekeshev málim etti, dep habarlaıdy QazAqparat.
«Ókinishke oraı júrgizýshiler men kondýktorlardyń is-áreketine qatysty jıi shaǵym alamyn. Buǵan deıin atap ótkenimdeı, 8 avtobýs parkiniń 7-eýi jekemenshik jáne bizde yqpal etý tetikteri óte az. Sondyqtan biz jańa modelge kóshpekpiz. Investıtsııalar jáne damý mınıstrliginiń buıryǵy taıaý arada shyqqannan keıin bastaımyz. Sol kezde qyzmet kórsetý sapasy men mádenıetine qatań baqylaý bolady», - dep jazdy elorda ákimi Feısbýktaǵy «Astana, hochý pohvalıt/pojalovatsıa » tobynda júrgizýshiniń dóreki qylyǵyna shaǵymdanǵan qala turǵynyna.
Aıta keteıik, Tatıana Nanoshkına ózine qajetti aıaldamada aýyr sómkesimen teze arada túse qoımaǵany úshin júrgizýshiniń dóreki sóılegendigin jazǵan bolatyn. «Syrtqa shyǵý úshin erterek daıyn turýǵa tyrystym. Biraq, avtobýs ornynan julqı qozǵalyp, men oryndyqqa quladym», - dedi ol.
