Elorda ákimdigi turǵyndardy oqý jylynyń alǵashqy kúnderi jolda saq bolýǵa shaqyrdy
ASTANA. QazAqparat - Búgin elordanyń barlyq bilim nysandarynda alǵashqy qońyraý soǵyldy. Qala basshysy Áset Isekeshev orynbasarlarymen birge birqatar mektepterge baryp, jańa oqý jylyna bilim nysandarynyń daıyndyǵymen tanysty, dep habarlaıdy QazAqparat.
Basqa óńirlerden kelip jatqan birinshi synyp oqýshylarynyń jáne joǵary oqý oryndaryna qadam basqan stýdentterdiń sanyn eskere kele, ákim ata-analardy, kólik júrgizýshiler men bilim alýshylardy joldarda saq bolýǵa jáne jol qozǵalysy erejelerin saqtaýǵa shaqyrdy.
Onymen birge qaýipsizdik maqsatynda qala basshysy turǵyndarǵa balalarǵa jol qozǵalys erejelerin úıretip, bilim ordalaryna barýda barynsha qaýipsiz ári yńǵaıly baǵytty aldyn ala belgilep alýlaryna keńes berdi. Búginde Astana qalasynyń bilim nysandarynyń júıesin 422 uıym tanystyrady. Atap aıtqanda, 264 mektepke deıin bilim berý mekemesi, 95 orta bilim berý nysany, 34 texnıkalyq jáne kásibı bilim berý ordasy.
Qazirgi ýaqytta qalada túrli tıptegi 264 mektepke deıingi mekeme bar, onyń ishinde 97 memlekettik, 2 vedomstvolyq jáne 116 jeke, 49 shaǵyn ortalyq.
Elordada 95 jalpy bilim beretin mektep jumys isteıdi, onyń ishinde 84 memlekettik jáne 11 jeke mektep.
Aıta keteıik, jańa oqý jylynda elordada 23 myń oqýshy mektep tabaldyryǵyn attady. Onyń 17 myńy birinshi synyp oqýshysy.
Búginde 66 mamandyq jáne 113 kvalıfıkatsııa boıynsha 34 kolledjde (12 memlekettik jáne 22 jeke) mamandardy daıyndaý júrgizilýde.
Astanada 26 262 adam texnıkalyq jáne kásibı bilimmen qamtylǵan, olardyń kóbisi 15-20 jas aralyǵyndaǵy jastar.
2017 jyly «Tegin kásibı-texnıkalyq bilim bári úshin» jobasy bastaldy, sonyń aıasynda 4757 stýdent oqýmen qamtylmaq.
1000-nan astam stýdent dýaldy oqýmen qamtylǵan.
