Elorda ákimdigi Tuńǵysh Prezıdent kúnine oraı áleýmettik aktsııa ótkizedi
ASTANA. 24 qarasha. QazAqparat - Tuńǵysh Prezıdent kúnin merekeleý aıasynda Astana qalasynyń ákimdigi elordanyń turmysy tómen turǵyndary úshin túrli aktsııalar uıymdastyryp, ótkizýdi josparlaýda.
Elordanyń resmı saıtynyń jazýynsha, atalǵan kómekterdi kópbalaly otbasylar, jetimder men jesirler, sondaı-aq Uly Otan jáne Aýǵan soǵystarynyń ardagerleri alady.
26 qarashada «Báıterek» halyqaralyq medıa ortalyǵynda osy aktsııany ótkizý máselelerine arnalǵan baspasóz máslıhaty ótedi.
Baspasóz máslıhatyna Astana qalasy Jumyspen qamtý jáne áleýmettik baǵdarlamalar basqarmasy bastyǵynyń orynbasary Lázzat Ábýova, Astana qalasy Bilim basqarmasynyń bastyǵy Ásıma Bımendına, Astana qalasy Densaýlyq saqtaý basqarmasy bastyǵynyń orynbasary Gúlnar Tólegenova, qalalyq ardagerler keńesiniń tóraǵasy Beken Álimjanov qatysady dep kútilýde.
