Elorda ákimdigi tehnologııalyq bıznes-ınkýbatsııalaý jobalary baǵdarlamasyn iske qosatyndyǵyn jarııalaıdy

Osyǵan oraı búgin uıymdastyrylǵan baspasóz máslıhatynda ákimdiktiń enshiles kompanııasy «Astana Innovation» AQ-nyń basqarýshy dırektory Ómirjan Ysqaqovtyń atap ótýinshe, bıznes-ınkýbatsııalaýǵa ótinimder qabyldaý jáne qaraý aǵymdaǵy jyly turaqty túrde júrgiziletin bolady. Túsken ótinimderdi quramyna ǵylym, bıznes, memlekettik organdardyń ókilderi kirgen saraptamalyq keńes qaraıtyn bolady.

«Eldiń údemeli ındýstrııalyq-ınnovatsııalyq baǵdarlamasy týraly aıtqanda biz joǵary nátıjege qol jetkize alatyn salalardy tabýymyz qajet. Osy maqsatta atalǵan baǵdarlama qabyldanyp otyr», - dedi ol.

Aıtp keteıik, tehnologııalyq bıznes-ınkýbatsııalaý - bul kishi ınnovatsııalyq kásiporyndardy jáne ınnovatsııalardy, jańa fırmalardy «ósirý», olardyń damýdyń erte satysyndaǵy qyzmetiniń nyǵaıýyna kómek kórsetý úderisi. Onyń qyzmetine bıznes-josparlardy ázirleý, jobalyq qujattamany uıymdastyrý, ınvestıtsııalardy tartý, patent alýǵa kómektesý, lıtsenzııalaý syndy máseleler kiredi.