Elorda ákimdigi bıyl memlekettik qyzmetterdi 100 paıyz tsıfrlandyrady
«Qazirgi ýaqytta Nur-Sultan qalasynyń ákimdigi 158 memlekettik qyzmet kórsetedi. Jyl basynan avtomattandyrylǵan qyzmetter sanyn 132-den 154-ke deıin ulǵaıttyq. Eger ótken jyly memlekettik qyzmetterdi avtomattandyrý deńgeıi 73 paıyz bolsa, qazirgi ýaqytta ol 97,5 paıyzdy quraıdy. Jyl sońyna deıin 100 paıyz memleettik qyzmetterdi tsıfrlandyrýdy kózdep otyrmyz», - dedi ol.
Qala basshysynyń aıtýynsha, búgingi kúni Iqala ortalyǵy bir tereze formatynda tikeleı 134 qyzmetti usynady. Jyl sońyna deıin oǵan taǵy 16 qyzmet qosylady.
«Ótken jyly 10 qyzmetpen bastaǵan bolatyn. Jalpy osy ýaqytqa deıin 55 myńnan astam qyzmet kórsetildi», - elorda ákimi.
Sonymen qatar ol turǵyndarǵa yńǵaıly jaǵdaı týdyratyn, sybaılas jemqorlyq táýekelderin joıýǵa áser etetin keıbir nátıjelerge toqtaldy.
«Buryn ınjenerlik jelilerge qosylý úshin azamattar men kásipkerler árbir monopolıske baryp, qyrýar ýaqyt jáne qarajat jumsaýǵa májbúr bolatyn. Máselen, páter satyp alǵanda qujattardy qaıta tirkeý úshin «Astana sý arnasy», «Astana energosbyt» syndy mekemelerge barý qajet edi. Endi ony Iqala ortalyǵynda nemese veb-saıtta bir qosymshamen jasaýǵa bolady. Ótinish berýshige óziniń qujattarynyń daıyndyǵy týraly 3 kún ishinde sms habarlama keledi jáne jeke kabınetinde qol qoıylǵan jeke kelisimshartty ala alady», - dedi Altaı Kólginov.
Munan bólek elorda ákimi mektepterde tamaqtandyrýdy qolma-qol esep aıyrysý jobasy engizilgenin, qoǵamdyq kólikterdiń barlyǵy elektrondy tólem júıesimen jabdyqtalǵanyn atap ótti.