Elorda ákimdigi bıyl 5 kóppáterli turǵyn úıdi qoldanysqa bermekshi
Bul týraly qalalyq qurylys basqarmasynyń basshysy Ársen Jańǵasqanov aıtty.
Nur-Sultan qalalyq máslıhatynyń depýtattary qalalyq qurylys basqarmasynyń elorda aýmaǵnyda salynyp jatqan bilim berý, densaýlyq saqtaý, mádenıet, sport, memlekettik turǵyn úı obektileri týraly esebin talqylaǵan bolatyn.
«2022 jyly Qurylys basqarmasy 5 kóppáterli turǵy úı keshenin qoldanysqa berýdi josparlap otyr. Onyń ishinde smetasy qymbattaýyna baılanysty bıylǵa qaldyrylǵan «Baǵystan» turǵyn úı kesheni bar. Búginde jobaǵa túzetý engizildi. Qosymsha qarjy bólindi. Sonymen birge 82-91 aýdanyndaǵy turǵyn úı kesheni boıynsha jobaǵa túzetý jasalyp jatyr. №32 nemese «Jaǵalaý» aýdanyndaǵy turǵyn úı kesheni salynyp bitýge jaqyn. Qazir onda ishki árleý jumystary júrip jatyr», - degen ákimdik ókili taǵy eki nysan boıynsha márdiger kompanııanyń aty belgili bolǵanyn málim etti.
«Sondaı-aq, Maqtumquly-Ǵ.Músirepov aýdanyndaǵy 275 páterlik úı men E20-32 turǵyn úı kesheni boıynsha 3,2 mlrd teńgeniń konkýrstary jarııalanyp, merdigerler anyqtaldy. Merdigerler jaqsy jumys istese, eki nysandy da bıyl salyp bitirýge bolady. Qajetti qarjy qarastyrylyp qoıǵan», - dedi Ársen Jańǵasqanov.
