Elorda ákimdigi 150 qyzmetti elektrondy formatta kórsetedi
Bul týraly qala ákiminiń orynbasary Baqtııar Máken L.N. Gýmılev atyndaǵy Eýrazııa ulttyq ýnıversıtetinde ótken semınar keńeste aıtty.
«Turǵyn úı sharýashylyǵynda «Qalanyń geoaqparattyq portaly» jobasy iske asyrylyp jatyr. Sonyń kómegimen kez kelgen qala turǵyny ózin qyzyqtyrǵan jer telimi týraly aqparatty portaldan ashyq kóre alady. Prezıdent tapsyrmasymen Jer kodeksi jańartylyp jatqanyn bilesizder. Sonyń aıasynda osy jobamyzdy tanystyramyz. Qaladaǵy bos jer telimderiniń tizimi, olardyń qaıda ornalasqany týraly aqparattyń bárin portalǵa ornatý boıynsha Úkimetpen jumys istep jatyrmyz», - dedi ákimdik ókili.
Onyń sózine qaraǵanda, qazir qala ákimdigi turǵyndarǵa barlyq qyzmetterdi elektrondy formatta usyna bastaǵan.
«Byltyrdan beri «Nur-Sultan – aqyldy qala» jobasyn qolǵa aldyq. Sonyń aıasynda barlyq memlekettik qyzmetterdi tsıfrlandyrý kerek bolatyn. Qazir barlyq 150 qyzmetti is júzinde tsıfrlandyrdyq. ıAǵnı bári elektrondy formatta qoljetimdi. Óıtkeni halyq tarapynan, qoǵamdyq uıymdar tarapynan qaǵazbastylyq týraly kóptegen suraqtar boldy. Bul qyzmetterdi adam qolynan alý uzaqqa sozylatyndyqtan jemqorlyq táýekelderi de bar edi. Sol úshin búkil memlekettik qyzmetterdi elektrondy formatqa kóshirip, arnaıy platforma qurdyq», - degen Baqtııar Máken kásipkerlerge arnalǵan IQala saıty ashylǵanyn, sonyń aıasynda 150 qyzmetti táýlik boıynda qashyqtan alý múmkindigi týǵanyn jetkizdi.
«Bilim salasyn da tsıfrlandyryp jatyrmyz. Qazir ata-analar balalarynyń mektepte qandaı tamaq ishkenin ózderi qadaǵalaı alatyn jaǵdaı jasadyq. Balalardy tamaqtandyrý júıesi tolyqtaı avtomattandyryldy. Balalardyń qaýipsizdigi úshin 4 752 beınekamera alynyp, barlyq bilim berý oshaqtaryna ornatyldy. Densaýlyq saqtaý salasynda elektrondy densaýlyq pasporty jasaldy. Emdelýshiler ózi qaralǵan mekemeniń QR-kodyn engizý arqyly iKOMEK platformasyna shaǵymdar men usynys joldaı alady», - dedi elorda ákiminiń orynbasary.
Baqtıar Máken qoǵamdyq kólikterge elektrondy bılet júıesin engizýdiń arqasynda kóleńkege ketetin tólemderdi jaryqqa shyǵarǵanyn da aıtty.
«Kólik qaýipsizdigin qamtamasyz etý úshin qoǵamdyq kólikterdi 100 paıyz elektrondy tólemge aýystyryp jatyrmyz. Elektrondy tólemniń úlesi kún sanap arttyp keledi. Buryn kóleńkede qalyp kelgen 40 paıyz aqsha jaryqqa shyqty», -dedi ákimniń orynbasary.