Elorda ákeleri slet ótkizýde
ASTANA. 12 mamyr. QazAqparat - Búgin elordadaǵy №59 mektep-lıtseıde ІІ qalalyq «Ákeler sleti» óz jumysyn bastady.
Atalǵan bilim oshaǵynyń bastamasymen osymen ekinshi jyl qatarynan ótkizilip jatqan sharaǵa QR Bilim jáne ǵylym mınıstrliginiń, Astana qalalyq ákimdiginiń ókilderi men ata-analar qatysýda.
«Ár adamnyń bul ómirdegi baqyty - balalary. Degenmen, búgingi tańda ata-analar jumyspen aınalysyp, balalaryna ýaqytyly kóńil bólmeıtin jaǵdaılar da oryn alyp jatady. Sondyqtan da osy №59 mektep-lıtseıde ákelermen kezdesip, aqyldasyp, sóılesip, ákeler keńesi degen úlken ıgi sharany bastap edik. Bul shara kóptegen mektepterde jalǵasyn tapty. Qazirgi ákeler keńesi balarǵa úlken kómek kórsetip otyr. Búgin 1 jyldyń qorytyndysyn jasamaqpyz», - dep atap ótti jıyndy ashqan Astana qalalyq bilim basqarmasynyń bastyǵy Ásıma Bımendına.
Alqaly jıyndy uıymdastyrýshylardyń aıtýynsha, bul sharanyń negizgi maqsaty otbasyndaǵy ákeniń ornyn, bedelin arttyryp qana qoımaı, bala tárbıesindegi ákeniń mindetin ulttyq dástúr negizinde qalyptastyrý bolyp tabylady.
Slet óz jumysyn aıaqtaǵannan keıin atalǵan mektep aýlasynda ákeler alleıasyn ashyp, 20 túp qaraǵaı otyrǵyzý josparlanǵan.
