Elorda 5 kóliktiń órtenýi saldarynan 1 adam jansaqtaý bólimine tústi
ASTANA. KAZINFORM – Elordada avtoturaqtaǵy 5 avtokóliktiń órtenýi saldarynan zardap shekken bir adam jansaqtaý bólimine tústi.
Astana qalasynyń qoǵamdyq densaýlyq saqtaý basqarmasynyń málimetinshe, zardap shekken azamat jansaqtaý jáne qarqyndy terapııa bóliminde em alyp jatyr.
- Naýqastyń jaǵdaıy aýyr, biraq turaqty. Qazir oǵan barlyq qajetti medıtsınalyq kómek kórsetilip jatyr, – dep habarlady basqarmanyń baspasóz qyzmetinen.
Esterińizge sala ketsek, Astananyń Saraıshyq aýdanynda turǵyn úı kesheniniń janyndaǵy avtoturaqta bes jeńil avtokólik órtendi.
Qutqarýshylardyń alǵashqy bólimsheleri oqıǵa ornyna jetken kezde, kólikterdiń barlyǵy ashyq jalynmen janyp jatqan. Qatty jeldiń saldarynan jalyn bir-birine jaqyn turǵan kólikterge tez taraǵan.
