Elorda 2023 jylǵa deıin áleýmettik salaǵa 1,2 mlrd teńge jumsalmaq
NUR-SULTAN. QazAqparat - Elorda 2023 jylǵa deıin áleýmettik salaǵa 1,2 mlrd teńge jumsaıdy. Bul týraly Nur-Sultan qalalyq ekonomıka jáne bıýdjettik josparlaý basqarmasynyń basshysy Qaısar Mańqaraev aıtty, dep habarlaıdy QazAqparat tilshisi.
«Elordanyń 2023 jylǵa deıingi naqtylanǵan bıýdjetinde áleýmettik salaǵa 1 mlrd 254 mln teńge qarastyrylyp otyr. Bul oraıda jumyspen qamtýdy basqarý, júrip-turýy qıyn 1-toptaǵy múgedekterdi jeke kómekshimen qamtý negizgi baǵyt sanalady. oǵan 365 mln teńge qarastyryp otyr. Sonymen qatar Densaýlyq saqtaý basqarmasyna PTR-zerthana jabdyqtaryn satyp alýǵa shamamen 200 mln teńge qarastyrylady», - dedi ol Nur-Sultan qalalyq máslıhatynyń kezekten tys 76-shy sessııasynda.
Basqarma basshysynyń atap ótýinshe, elordanyń kólik ınfraqurylymyn damytýǵa qosymsha 7 mlrd 271 mln teńge, onyń ishinde áleýmettik mańyzy bar ishki baǵyttardy jolaýshylar tasymalyn sýbsıdııalaýǵa 5 mlrd 451 mln teńge bólinedi.
«Otyn-energetıka kesheni jáne kommýnıaldyq sharýashylyq basqarmasyna qosymsha 899 mln teńge, onyń ishinde gaz-kólik júıesin damytýǵa 404,5 mln teńge qarastyrylady. Qurylys basqarmasyna birqatar nysan qurylysyn aıaqtaý úshin 1 mlr 74 mln teńge bólinedi. Qalalyq orta sapasy jáne baqylaý basqarmasynda qosymsha 15 mln teńge kózdeledi. Qorshaǵan ortany qorǵaý jáne tabıǵat paıdalaný basqarmasyna 1 mlrd 651 teńge qarastyrylyp otyr», - dedi Qaısar Mańqaraev.
