Elorda 14 eldiń sarapshylary memlekettik basqarý áleýetin jetildirý máselelerin talqylaýda
ASTANA. QazAqparat - Búgin elordada Memlekettik qyzmet salasyndaǵy óńirlik hab QR Prezıdenti janyndaǵy Memlekettik basqarý akademııasynyń qoldaýymen Habqa qatysatyn elderdiń zertteý áleýetin jetildirý máselelerine arnalǵan 2 kúndik semınar jumysyn bastady.
Halyqaralyq shara barysynda QR Prezıdenti janyndaǵy Memlekettik basqarý akademııasynyń rektory Bolatbek Ábdirasylov semınar taqyrybynyń mańyzdylyǵy men ózektiligin atap ótti.
Semınarǵa Ázerbaıjan, Armenııa, Grýzııa, Qyrǵyzstan, Tájikstan, Moldova, Bosnııa jáne Gertsegovınany qosqanda 14 elden 40-tan astam bilikti sarapshylar qatysýda. Memlekettik basqarý jáne memlekettik qyzmet salasyndaǵy ózderiniń ǵylymı zertteýlerimen belgili dárisshiler - Bokkonı ýnıversıtetiniń professory Nıkola Belle (Italııa) jáne Varshava ýnıversıtetiniń professory Petr Modzelevskıı (Polsha) bólisetin bolady. Semınar barysynda qatysýshylarǵa praktıkalyq jattyǵýlar usynylady,
Aıta keteıik, memlekettik basqarý jáne memlekettik qyzmet salasynda zertteý áleýetin jetildirý semınary alǵash ret ótkizilýde. Bul is-shara Habqa qatysýshy elderdiń osy saladaǵy sarapshylary men zertteýshileri úshin memlekettik basqarý jáne memlekettik qyzmet salasyndaǵy zamanaýı ári ozyq úrdisterin zerdeleýge baǵyttalǵan.
