Elodadaǵy epıdemıologııalyq jaǵdaıdyń ýshyǵýyna «omıkron» shtamy sebep bolýy múmkin – Janna Pralıeva

NUR-SULTAN. QazAqparat – Nur-Sultan qalasy sanıtarlyq-epıdemıologııalyq qadaǵalaý basqaramasy basshysynyń orynbasary Janna Pralıeva BAQ ókilderine qaladaǵy epıdahýal týraly málimet berdi, dep habarlaıdy QazAqparat tilshisi.

«Qazir biz naýqastar sanynyń tez arada kóbeıgenin «omıkronnyń» paıda bolýymen baılanystyryp otyrmyz. Óıtkeni keshegi kúndi ózderińiz kórip otyrsyzdar 1442 jaǵdaı tirkeldi. Eger jeltoqsan aıynda 2700 jaǵdaı tirkelse, keıingi 10 kúnniń ishinde 4622 jaǵdaı tirkelip otyr. ıAǵnı 1,7 ese artqanyn kóremiz», - dedi ol BAQ ókilderine bergen suhbatynda.

Sondaı-aq, maman elordada «omıkronnyń» alǵashqy jaǵdaıy qalaı anyqtalǵanyn baıandady.

«Qazirgi kezde, ózderińiz kórip otyrǵandaı, Nur-Sultan qalasnydaǵy epıdemıologııalyq jaǵdaı kúrdeli bolyp tur. Bul Densaýlyq saqtaý mınıstrliginiń málimetinde aıtylǵandaı, «Omıkron» Sars-Cov-2» shtamynyń anyqtalǵanyna baılanysty. Qazir eki aıda bir ret genetıkalyq-molekýlıarlyq zertteý jasalyp otyrady. Ol jerge biz oń nátıjeli synamalardy tekserýge jiberemiz. Eń sońǵy ret jeltoqsan aıynyń sońynda 25 synama jibergen bolatynbyz. Sonyń ishinde bir synama oń nátıje kórsetip otyr. ıAǵnı «omıkron» shtamy bar degen sóz. Ol bizdiń qalanyń turǵyny, shetelden 16 jeltoqsan kúni kelgen. Biraq kelgen kezde onyń PTR-test nátıjesi teris bolǵan. Biraq 22 jeltoqsanda densaýlyǵy kishkene nasharlap, tamaǵy aýyryp, medıtsınalyq kómekke júgingen. Sol jerde oń nátıje kórsetken. Sol synamany biz qosymsha zertteýge jibergen bolatynbyz, «omıkron» shtamyn kórsetip otyr», - dedi Janna Pralıeva.