Elodada jeńil kólik baǵanaǵa soǵylyp, aýdarylyp tústi

NUR-SULTAN. QazAqparat - Elordada jeńil kólik qatty jyldamdyqpen kele jatyp, jol jıegindegi baǵanaǵa soǵyldy, dep habarlaıdy QazAqparat tilshisi.

«Jol-kólik oqıǵasy búgin saǵat 6:30-dar kezinde Qabanbaı batyr dańǵyly boıynda oryn aldy. Lexus markaly kóligin 1980 jyly dúnıege kelgen azamat basqarǵan. Ol elordadan Qosshy aýylyna qaraı baǵyt alǵan. Aldyn ala málimetter boıynsha júrgizýshi kólik qozǵalysy jyldamdyǵyn elemegennen rólge ıe bola almaǵan. Sonyń saldarynan kólik joldyń jıegindegi baǵanaǵa soǵyldy», - delingen Polıtsııa departamenti baspaóz qyzmetiniń QazAqparatqa bergen málimetinde.

Belgili bolǵandaı, qatty soqqydan kólik aýdarylyp tústi. Qazirgi kezde jol-kólik oqıǵasy boıynsha tekseris júrip jatyr.

«Oqıǵa ornynda júrgizýshini jedel járdem dárigerleri tekserdi. Densaýlyǵyna zaqym kelmegendikten, júrgizýshi úıine jiberildi»,- dep naqtylady baspasóz qyzmeti.