Elnur Beısenbaev QR Prezıdenti Ákimshiliginiń Іshki saıasat bóliminiń meńgerýshisi laýazymyna taǵaıyndaldy
ASTANA. KAZINFORM - Memleket basshysynyń ókimimen Elnur Sabyrjanuly Beısenbaev Qazaqstan Respýblıkasy Prezıdenti Ákimshiliginiń Іshki saıasat bóliminiń meńgerýshisi laýazymyna taǵaıyndaldy.
Bul týraly Aqordanyń baspasóz qyzmeti habarlady.
1986 jyly 27 maýsymda Kentaý qalasynda dúnıege keldi. Ál-Farabı atyndaǵy Qazaq ulttyq ýnıversıtetiniń túlegi. Saıasattanýshy, áleýmettik ǵylymdar magıstri.
Ál-Farabı atyndaǵy QazUÝ-dyń fılosofııa jáne saıasattaný fakýltetin bitirgen.
Eńbek jolyn «Jastar úni» Jastar qoǵamdyq uıymynda maman retinde bastap, keıinnen 2009 jyly tóraǵa boldy.
2012-2015 jyldary tarıh pániniń muǵalimi, Qazaqstan kommýnıstik halyq partııasynyń Almaty qalalyq fılıalynda ıdeologııa jáne nasıhat jónindegi hatshy qyzmetterin qosa atqardy.
2016 jyldan 2017 jylǵa deıin Almaty qalasy ákimdiginiń jastar jobalary jáne uıymdastyrý jumystary bóliminiń basshysy, jastar saıasaty máseleleri basqarmasynyń basshysy laýazymdarynda eńbek etti.
2017 jyldan 2018 jylǵa deıin Abaı atyndaǵy Qazaq ulttyq pedagogıkalyq ýnıversıtetinde tárbıe jumysy departamentiniń dırektory boldy.
2019 jyly Nur-Sultan qalasy ákiminiń áleýmettik máseleler jónindegi keńesshisi.
2020 jyly «Nur Otan» partııasy janyndaǵy «Jas Otan» Jastar qanatynyń tóraǵasy.
2021 jylǵy qańtardan 2023 jylǵy qańtarǵa deıin - Jetinshi shaqyrylǵan Qazaqstan Respýblıkasy Parlamenti Májilisiniń depýtaty.
2023 jylǵy qańtardan 2023 jylǵy tamyz – «AMANAT» partııasynyń atqarýshy hatshysy.
2023 jyldyń naýryzynan bastap qazirgi ýaqytqa deıin - Segizinshi shaqyrylǵan Qazaqstan Respýblıkasy Parlamenti Májilisiniń depýtaty, «AMANAT» partııasy Fraktsııasynyń jetekshisi.
«Qurmet» ordenimen (2021 j.), «Qazaqstan Respýblıkasynyń Táýelsizdigine 25 jyl» (2016 j.), «Halyq alǵysy» (2020 j.), «Qazaqstan Respýblıkasynyń Táýelsizdigine 30 jyl» (2021 j.) medaldarymen, Qazaqstan Respýblıkasynyń Tuńǵysh Prezıdenti – Elbasy N. Á. Nazarbaevtyń (2016 j., 2020 j.), Qazaqstan Respýblıkasynyń Prezıdenti Q. K. Toqaevtyń (2019 j., 2020 j.) alǵys hattarymen marapattalǵan.
Osyǵan deıin Bas prokýratýranyń Aktıvterdi qaıtarý jónindegi qyzmetiniń bastyǵy aýysqany týraly jazdyq.