Elińe júlde syılaǵannan artyq baqyt bar ma - Ǵusman Qyrǵyzbaev

PARIJ. KAZINFORM – Parıjde ótip jatqan Olımpıada oıyndarynyń qola júldegeri jeńisinen keıin qýanyshymen bólisti.

«Jartylaı fınadaǵy qarsylasymdy da jeńýge bolatyn edi. Onyń aldyndaǵy úsh beldesýimde kishkene sharshap qaldym. Ne de bolsa elime júlde syıladym. Budan artyq baqyt bar ma?! Sońǵy qarsylasym da ońaı bolǵan joq, Menen boıy da uzyndaý eken. Osyǵan deıin osy balýandardan utylǵandarym bolǵan. Búgin Olımpıada oıyndarynda esemdi qaıtardym. Medalǵa qol jetkizdim. Elimizge Parıj Olımpıadasynyń úshinshi júldesin syılaǵanyma qýanyshtymyn. Maǵan keshe chempıon bolǵan Eldos batyrymyz da qoldaý kórsetip otyrdy. Basqa da jankúıer bolǵan barlyq otandastaryma alǵys aıtamyn», - dedi Ǵusman Qyrǵyzbaev.

Esterińizge sala keteıik, Qyrǵyzbaev qola medal úshin beldesýde serbııalyq tatamı sheberinen aılasyn asyryp, el qorjynyna Olımpıadanyń úshinshi júldesin syılady.