Elimizge veıp ákelgender aqtalǵan: sot sheshimi qaıta qaralady
ASTANA. KAZINFORM — Qostanaı oblysyndaǵy avtomobıl ótkizý pýnktinde kólik quralyn tekserý kezinde Qazaqstanǵa ákelýge tyıym salynǵan elektrondyq temekiler — veıpter anyqtalǵan.
Birinshi satydaǵy sot eki sottalýshyny veıpterdi zańsyz satý jáne taratý boıynsha kináli dep tanyǵanymen, olardy elektrondyq temekilerdi elge zańsyz ákelý epızody boıynsha aqtaǵan.
Sot materıaldaryna sáıkes, veıpter anyqtalǵan ótkizý pýnkti Qazaqstan aýmaǵynda ornalasqan. Osyǵan baılanysty kólikpen Memlekettik shekarany kesip ótý faktisiniń ózi taýardyń el aýmaǵyna ákelingenin bildiredi, ıaǵnı keıinnen shekaralyq baqylaýdan ótken-ótpegeni ákelý faktisin joqqa shyǵarmaıdy.
Prokýrordyń narazylyǵyn qaraǵan kassatsııalyq sot birinshi satydaǵy sot aktileriniń veıpterdi zańsyz ákelý epızody boıynsha aqtaý bóligine qatysty kúshin joıdy.
Іs osy bóliginde jańadan qaraýǵa jiberildi.
Eske salaıyq, buǵan deıin Qarjylyq monıtorıng agenttigi jyl basynan beri zańsyz saýdanyń 25 deregin toqtatyp, 276 myńnan astam elektrondy tutyný júıesin tárkilegenin jazǵan edik.
