Elimizge jumyrtqany avtokólikpen ákelýge ýaqytsha tyıym salynbaq
ASTANA. KAZINFORM – Qazaqstanǵa taýyq jumyrtqasyn avtokóliktermen ákelýge 6 aıǵa tyıym salynady.
Aýyl sharýashylyǵy mınıstriniń atalǵan buıryǵy 2024 jylǵy 1 mamyrdan bastap qoldanysqa engiziledi.
«Qazaqstan Respýblıkasynyń aýmaǵyna avtomobıl kóligimen úshinshi elderden jáne Eýrazııalyq ekonomıkalyq odaq elderinen taýyq jumyrtqasyn (Eýrazııalyq ekonomıkalyq odaqtyń syrtqy ekonomıkalyq qyzmetiniń taýar nomenklatýralyq kody: 040721) ákelýge 6 aı merzimge tyıym salý engizilsin», - delingen buıryq mátininde.
Ashyq NQA-ǵa jarııalanǵan buıryq bıyl 1 naýryzǵa deıin qoǵam talqysyna usynylyp otyr.
Eske sala ketsek, 16 aqpanda Saýda jáne ıntegratsııa mınıstrligi jyl sońyna deıin jumyrtqa baǵasyn bekitýdi usynǵan edi.
Vedomstvo jumyrtqa baǵasyn bekitýdi Qus ósirýshiler odaǵy jáne Qazaqstannyń jumyrtqa óndirýshiler assotsıatsııasy, sondaı-aq qus fabrıkalarynyń basshylarymen birlesip talqylaǵan.
