Elimizge taǵy bes myńnan astam muǵalim jetispeıdi — Prezıdent
ASTANA. KAZINFORM — Qazaqstandaǵy mektepterge áli de 5 myńnan astam muǵalim qajet. Kadr tapshylyǵyn joıýmen qatar, pedagogterdiń biliktiligin arttyrýǵa basymdyq berý kerek. Bul týraly Memleket basshysy Qasym-Jomart Toqaev respýblıkalyq Tamyz konferentsııasynda aıtty.
Prezıdent bul baǵytta júıeli sharalar qolǵa alynýda, naqty jumys júrgizilip jatqanyn eske saldy. Sonyń arqasynda bilim salasyn tańdaǵan jastardyń qatary kóbeıýde.
— Bul jaqsy úrdis. Bıyldyń ózinde mektep bitirgen 12 myńnan astam túlek pedagogıkalyq mamandyq boıynsha memlekettik grant ıegeri atandy. Olardyń 2 myńnan astamy — mektepti «Altyn belgimen» bitirgender. Degenmen kadr máselesin túpkilikti sheshý úshin áli de biraz sharýa atqarylýǵa tıis. Elimizge taǵy da 5 myńnan astam muǵalim kerek. Sebebi halyq sany turaqty túrde artyp keledi, — dedi Qasym-Jomart Toqaev.
Sońǵy jyldary salynyp jatqan mektepterdiń sany da edáýir kóp. Osy jaǵdaı pedagog mamandarǵa degen suranysty arttyryp otyr. Bul másele boıynsha mınıstrlik tyń tásilder usynýǵa tıis.
Aıta keteıik, elordada Prezıdent Qasym-Jomart Toqaevtyń qatysýymen pedagogterdiń Tamyz konferentsııasynyń plenarlyq otyrysy ótti. Oǵan elimizdiń barlyq óńirinen 600-den astam bilim salasynyń qyzmetkerleri men eńbek ardagerleri qatysty.
Qazaqstanda 2019 jyldan beri 511 jańa aýyl mektebi salynǵan.
Elimizde aýyl men qala oqýshylary arasyndaǵy bilim alshaqtyǵy 5 balǵa qysqarǵan.
Sondaı-aq Jańa Konstıtýtsııa bilim berý salasyna jańa mindetter júktep otyr.
