Elimizge poshta arqyly shetelden esirtki jetkizýdiń halyqaralyq arnasy joıyldy
ASTANA. KAZINFORM – Ulttyq qaýipsizdik komıtetiniń Aqtóbe oblysy boıynsha departamenti bıylǵy aqpanda poshta jóneltilimderin paıdalana otyryp, alys shetelden Qazaqstanǵa esirtki jetkizýdiń halyqaralyq arnasyn joıdy.
QR Ulttyq qaýipsizdik komıtet baspasóz qyzmetiniń habarlaýynsha, jalpy salmaǵy 500 gramnan asatyn kannabıs tobynyń esirtki salynǵan qorapty alýy kezinde «Qazposhta» AQ bólimshesinde jergilikti turǵyn ustaldy.
Bmylǵy sáýirde Aqtóbe qalasynyń turǵynyn ustaý boıynsha operatsııa júzege asyryldy, odan 2,5 kılogramnan astam «mefedron» psıhotroptyq zaty tárkilendi, bul 10 myńǵa jýyq bir rettik dozany quraıdy.
Jedel shara barysynda kúdiktilerdiń fızıkalyq jazaǵa tartylý qaýpi arqyly aımaq turǵynyn esirtki satýǵa májbúrleý faktisi qujattaldy.
Ustalǵan adam oblysta psıhotroptyq zattardyń taralýynyń keń jelisin uıymdastyrýdy kózdegen.
«Atalǵan adamdar sottyń sanktsııasymen qamaýǵa alyndy. Sotqa deıingi tergep-tekserý júrgizilýde. QR QІJK-niń 201-baby 1-bóligine sáıkes ózge aqparat jarııa etýge jatpaıdy»,-delingen UQK baspasóz qyzmeti taratqan habarlamada.
