Elimizge Qytaı, Túrkııa men Úndistannan eńbek mıgranttary kóp keledi

1 qarashadaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 13 029 shetel azamaty eńbek etedi, dep habarlaıdy Kazinform.

Shetel jumys kúshin tartýǵa ruqsattyń arasynda mynadaı sanattar bar: basshylar men olardyń orynbasarlaryna - 345 ruqsat (birinshi sanat), qurylymdyq bólimshe  basshylary úshin - 2 588 ruqsat (ekinshi sanat).

Negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 5 767 jáne 608 adam.

Sondaı-aq maýsymdyq jumysqa 2 078 adam, al korporatıvtik aýystyrý aıasynda 1 643 adam tartyldy.

Qazirgi ýaqytta Qazaqstanda shetel jumys kúshin paıdalanatyn 1 612 jumys berýshi bar.

Onda 468,1 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 97,2%.

Ekonomıkalyq qyzmet túrleri boıynsha eń kóp jumys isteıtinder qurylys salasynda – 3 312 adam (25,4%), aýyl, orman jáne balyq sharýashylyǵy – 1 580 adam (12,1%), taý – ken ónerkásibi jáne karerlerdi qazý – 1 216 adam (9,3%), óńdeý ónerkásibi – 1 194 adam (9,1%), kásibı, ǵylymı jáne tehnıkalyq qyzmet – 757 adam (5,8%).

Eńbek mıgranttary keletin negizgi elder: Qytaı – 3 884 adam (29,8%), Ózbekstan – 1 777 adam (13,6%), Túrkııa – 1 254 adam (9,6%), Úndistan – 1 232 adam (9,4%).

Іshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi.

2023 jyly jalpy kvota respýblıkadaǵy jumys kúshiniń 0,24% nemese 22 260 dep belgilendi.