Elimizge Qytaı men Úndistannan keletin týrıster kóbeıgen
ASTANA. KAZINFORM – Qazaqstanǵa Qytaı men Úndistannan keletin týrıster sany artqan. Onyń sebebin Týrızm jáne sport mınıstri Ermek Marjyqpaev túsindirdi.
«Eldiń halyqaralyq ashyqtyǵy sheteldik týrısterdiń ósýine oń áser etedi. Qazaqstan 82 elmen vızasyz rejımde qarym-qatynasta. Sonyń ishinde Qytaı, Úndistan sııaqty týrıstik naryǵy iri elder bar. Biz bul elderden kelýshilerdiń aıtarlyqtaı óskenin kórip otyrmyz», - dedi Ermek Marjyqpaev vedomstvonyń keńeıtilgen alqa otyrysynda.
Mınıstr keltirgen málimetke sáıkes, 2022 jylǵy shildede Qytaı azamattary úshin 14 kúndik vızasyz rejımdi engizýdiń jáne 2023 jylǵy qarashadan bastap ekijaqty vızasyz rejımniń arqasynda atalǵan elden kelýshiler sany 18 myńnan 217 myńǵa, ıaǵnı 12 ese ulǵaıǵan.
Úndistan boıynsha 14 kúndik vızasyz rejım engizilgennen keıin ol elden keletin týrıster úsh ese ósken. Atap aıtqanda, 2022 jyly 28 myń adam, 2023 jyly 78 myń týrıst kelgen.
