Elimizge kelgen sheteldik týrıster sanaǵy qalaı júrgiziledi

ASTANA. KAZINFORM – Byltyr elimizge ártúrli maqsatta 15,3 mln sheteldik qonaq kelgen. Bul týraly Týrızm jáne sport mınıstri Erbol Myrzabosynov málim etti.

- Úkimet deńgeıinde qabyldanǵan sharalar nátıjesinde ótken jyldyń qorytyndysy boıynsha týrıstik sala turaqty ósimdi kórsetip otyr. Іshki týrıster sany 10,5 mln adamdy qurap, 2023 jylmen salystyrǵanda 900 myńǵa artty. Jalpy, elimizge ártúrli maqsatta 15,3 mln sheteldik qonaq kelgen. Bul jerde jumyspen nemese turaqty turýǵa kelgender esepke alynbaǵanyn eskergen jón, - dedi Erbol Myrzabosynov Úkimet úıinde.

Mınıstrdiń esebinshe, byltyr shetelden kelgen 15,3 mln qonaqtyń ishinde 10,4 mln adam elimizde 1 kúnnen astam ýaqyt ótkizgen.

- Biz olardy sheteldik týrısterge jatqyzamyz. Demalýǵa, delegattar, dostaryna nemese týystaryna kelgen qonaqtardyń barlyǵy derlik týrıster esebine alynady. Sebebi olar elimizge kelip, ornalastyrý oryndaryn, tamaqtaný, kólik jáne basqa da qyzmetterdi paıdalana otyryp ekonomıkaǵa oń áser beredi. Alaıda statıstıka boıynsha atalǵan 10 mıllıon týrıstiń 9 mıllıony ornalastyrý oryndarynda tirkelmegen, - deıdi ol.

Osy oraıda sheteldik qonaqtardy esepke alý Ulttyq qaýipsizdik komıteti Shekara qyzmetiniń statıstıkasy boıynsha, al ishki týrızm týraly derekter ornalastyrý obektileriniń esebi negizinde qalyptastyrylady.

- Týrıstik aǵyndy dál baǵalaý úshin Ulttyq statıstıka bıýrosyna uıaly baılanys operatorlarynyń derekterine qol jetkizýin qamtamasyz etý kerek. Sonymen qatar onyń ekonomıkalyq úlesin taldaý úshin bank kartalarynyń tranzaktsııalary negizindegi týrısterdiń shyǵyndary týraly aqparat qajet. Týrısterdi tirkeýdiń taǵy bir tásili «eQonaq» aqparattyq júıesi bolyp sanalady. Júıe kóshi-qon baqylaýy jáne týrıster aǵymyn taldaý úshin quryldy. Júıeni engizý arqyly kelesideı mańyzdy ózgerister jasaldy,- dep tolyqtyrdy vedomstvo basshysy.

Buǵan deıin Erbol Myrzabosynov elimizde qonaq úı júıesine reforma júrgiziletinin aıtqan edi.