Elimizge keletin sheteldik týrıster sany eki ese kóbeıgen

ASTANA. KAZINFORM – QR Týrızm jáne sport mınıstri Erbol Myrzabosynovtyń tóraǵalyǵymen mınıstrliktiń keńeıtilgen apparattyq keńesi ótti.

Jıynǵa mınıstrlik ókilderi, óńirlik týrızm salasyna jaýapty basqarma basshylary jáne vedomstvoǵa baǵynysty uıymdardyń jetekshileri qatysty. Keńeste týrızm salasynyń negizgi kórsetkishter tyńdalyp, otandyq týrızm salasynyń damý baǵyttary men ózekti máseleleri jan-jaqty talqylandy.

Mınıstrliktiń baspasóz qyzmeti málim etkendeı, Erbol Myrzabosynov týrızm ındýstrııasyndaǵy oń ózgeristerdi atap ótip, ishki jáne syrtqy týrıstik aǵynnyń turaqty ósip kele jatqanyn jetkizdi. Máselen, byltyrǵy 9 aıdyń kórsetkishi boıynsha ishki týrıster sany 562 myńǵa kóbeıip, 6 mln adamǵa jetti.

Sheteldik týrıster legi 11,5 mln adam boldy. Bul 2023 jyldyń sáıkes kezeńindegi kórsetkishpen salystyrǵanda eki ese kóp. Onyń ishinde 969 myń sheteldik ornalastyrý oryndaryna toqtaǵan.

– Byltyr Memleket basshysy otandyq týrızmdi damytý máselesine arnalǵan arnaıy keńes ótkizgen bolatyn. Sol jıynda Prezıdent týrızmdi damytý jóninde birqatar tapsyrma bergen edi. Búgingi kezdesýdiń negizgi maqsaty – Prezıdent tapsyrmalarynyń oryndalý barysyn jáne óńirlik týrızmniń máselesin talqylaý, – dedi mınıstr.

Keńeste óńirlerde kezdesetin ózekti máseleler kóterilip, olardy sheshý joldary qarastyryldy. Ásirese, týrıstik ınfraqurylymdy damytý, jańa baǵyttardy ashý, memlekettik qoldaý sharalary arqyly kásipkerlikti yntalandyrý sııaqty máselelerge erekshe nazar aýdaryldy.

Jıyn qorytyndysy boıynsha elimizdiń týrıstik áleýetin arttyrý, ınvestıtsııa tartý jáne halyqaralyq naryqtaǵy Qazaqstannyń bedelin nyǵaıtý maqsatynda naqty tapsyrmalar berildi.

2025 jyly Almatyda týrızmdi damytý úshin ne isteletinin jazǵan bolatynbyz.