Elimizdiń12 oblysynda aýa raıyna baılanysty eskertý jarııalandy

ASTANA. KAZINFORM – Cınoptıkter Qazaqstannyń 12 oblysynda kún raıyna baılanysty eskertý jarııalady.

«Qazgıdromet» RMK aqparatyna sáıkes, 24 qańtar kúni Shymkentte tuman túsedi.

Abaı oblysynyń ońtústiginde, ortalyǵynda – jaıaý burqasyn. Ońtústik-shyǵystan jel soǵyp, oblystyń ońtústiginde, ortalyq bóliginde jel jyldamdyǵy sekýndyna 15-20 metrge, ekpini 23-28 m/s deıin jetedi.

Aqmola oblysynyń soltústigi men shyǵysynda tuman túsedi.

Shyǵys Qazaqstan oblysynyń ońtústik-shyǵysynda, ortalyq bóliginde jaıaý burqasyn júredi. Shyǵystan, ońtústik-shyǵystan jel soǵyp, oblystyń ońtústik-shyǵysynda, ortalyǵynda jyldamdyǵy 15-20 m/s, ekpini 25 m/s bolady.

Batys Qazaqstan oblysynyń batysynda, soltústiginde tuman túsedi.

Jambyl oblysynyń ońtústiginde, taýly aýdandarynda tuman boljanyp otyr. Ońtústik-shyǵystan jel soǵyp, óńirdiń ońtústik-batysynda, soltústik-shyǵysynda, taýly aýdandarynda jyldamdyǵy 15-20 m/s, ekpini 23 m/s deıin jetedi.

Jetisý oblysynda ońtústik-shyǵystan jel soǵyp, Alakól kóli aýdanynda ekpini 15-20, keı kezderi 23-28 m/s bolady.

Qyzylorda oblysynyń ońtústik, soltústik, ortalyq bóliginde kóktaıǵaq bolyp, tuman túsedi.

Mańǵystaý oblysynyń ońtústiginde, shyǵysynda kúndiz kóktaıǵaq bolady.

Soltústik Qazaqstan oblysynyń soltústiginde, batysynda tuman túsedi.

Túrkistan oblysynyń batysynda, taýly jáne taý bókterindegi aýdandarda tuman saqtalady. Ońtústik-batystan soǵatyn jel baǵyty shyǵysqa aýysyp, taý asýlarynda jyldamdyǵy sekýndyna 15-20 metrge deıin jetedi

Ulytaý oblysynyń soltústiginde, shyǵysynda jaıaý burqasyn, kóktaıǵaq boljanyp otyr. Oblystyń ortalyǵynda tuman túsedi.