Elimizdiń jergilikti joldarynda júk kólikterin ólsheıtin 150 stantsııa ornatylady

Elimizdiń jergilikti joldarynda júk kólikterin ólsheıtin 150 stantsııa ornatylady. Bul týraly Úkimet otyrysynda Kólik vıtse-mınıstri Sátjan Ablalıev aıtty, dep habarlaıdy Kazinform.

«Avtomobıl joldarynyń saqtalýyn qamtamasyz etýde kóliktik baqylaýdyń mańyzdylyǵy óte zor. Qazirgi ýaqytta 43 jyljymaly baqylaý beketi kúshimen 157 myń shaqyrym avtomobıl joldary baqylanady, ıaǵnı 1 beketke 5 myń shaqyrym avtojol júktelgen. Sondyqtan, ótken jyldyń jeltoqsan aıynda avtomattandyrylǵan ólsheý stantsııalar jumys tártibin retteıtin zań qabyldandy. Bul Zańda ákimdikterge jergilikti avtojoldarda ólsheý stantsııalaryn ornatý jónindegi ókilettikter berilip, júk kótergishtigi 12 tonnadan asatyn barlyq kólik quraldary osy stantsııalar arqyly mindetti túrde ólshenýi kózdelgen», - dedi vıtse-mınıstr.

Onyń atap ótýinshe, atalǵan Zańdy iske asyrý aıasynda Kólik, Іshki ister mınıstrlikteri jáne Astana qalasynyń ákimdigi birlesken Jol kartasy ázirledi. Jol kartasynyń aıasynda, osy jyldyń qazan aıynan bastap Astana qalasynyń negizgi 6 kireberisinde ólsheý stantsııalaryn ornatý boıynsha jumystar bastaldy. Osylaısha, qalaǵa kiretin barlyq júk kólikteri avtomatty túrde ólshenip, avtomobıl joldarynyń saqtalýyna tikeleı yqpal etetin bolady.

«Sondyqtan ákimdiktermen jergilikti joldarda 150, al mınıstrlikpen respýblıkalyq joldarda 70-ke jýyq osyndaı ólsheý stantsııalaryn salý boıynsha tıisti jumystardy júrgizý josparlanǵan», - dedi Sátjan Ablalıev.