Elimizdiń jalpy halyqaralyq rezervi 129,5 mlrd dollarǵa jetti

ASTANA. KAZINFORM — Elimizdiń jalpy halyqaralyq rezervi 129,5 mlrd dollarǵa jetti. Bul týraly Úkimet otyrysynda Ulttyq bank tóraǵasynyń birinshi orynbasary Erulan Jamaýbaev aıtty.

— Jalpy halyqaralyq rezervter naýryzdyń sońynda 129,5 mlrd dollardy qurady. Ulttyq banktiń altyn-valıýta rezervteri 67,2 mlrd dollarǵa deıin 2,7 paıyzǵa ulǵaıdy. Ulttyq qordyń aktıvteri 2,5 paıyz azaıyp, 62,3 mlrd dollar boldy. Birinshi toqsanda Qorǵa kelip túsetin túsimder 184 mlrd teńge, al Ulttyq qordan respýblıkalyq bıýdjetke beriletin transfert kólemi 800 mlrd teńge boldy, — dedi ol.

Onyń dereginshe, jyl basynan beri Biryńǵaı jınaqtaýshy zeınetaqy qorynyń zeınetaqy aktıvteri 25,8 trln teńgege deıin 2,6 paıyzǵa ósti.

— Investıtsııalyq tabys kólemi 271,4 mlrd teńgeni qurady, — dedi Erulan Jamaýbaev.

Aıta keteıik, bıylǵy birinshi toqsanda jalpy ishki ónim naqty 3 paıyzǵa ósti.

Sonymen qatar, Erulan Jamaýbaev teńge baǵamynyń nyǵaıýyna yqpal etken faktorlardy atady.