Elimizdiń úzdik ınjenerleri anyqtaldy
ALMATY. KAZINFORM – Almatyda mereıtoılyq «2025 jyldyń úzdik ınjeneri» respýblıkalyq baıqaýynyń jeńimpazdary marapattaldy. Bul týraly Ónerkásip jáne qurylys mınıstrligi habarlady.
Almatyda QR Ulttyq ınjenerlik akademııasynyń (QR UIA) – eldiń ınjenerlik korpýsynyń tý ustaýshysy – Jalpy jınalysynyń sessııasy ótti. 2015 jyly akademııa alǵash ret «Jyldyń úzdik ınjeneri – 2015» respýblıkalyq baıqaýyn uıymdastyrdy.
10 jyl ishinde «Úzdik ınjener» respýblıkalyq baıqaýynyń laýreaty atanǵan Qazaqstannyń túrli óńirlerinen 70-tan astam ınjener boldy.
2025 jyly baıqaý H mereıtoılyq mártebege ıe bolyp, Prezıdent Qasym-Jomart Toqaev jarııalaǵan Jumysshy mamandyqtar jyly aıasynda erekshe mańyzǵa ıe boldy.
Memleket basshysy «Injenerler – progrestiń júregi ári jasandy ıntellekt dáýirindegi eldiń tehnologııalyq egemendiginiń kilti» ekenin erekshe atap ótti.
Baıqaýǵa Qazaqstannyń barlyq óńirindegi mamandardan 75 ótinim kelip tústi. Baıqaý komıssııasynyń qorytyndysy boıynsha eldiń iri ındýstrııalyq jáne ınnovatsııalyq jobalaryn iske asyrýǵa erekshe úles qosqan 2025 jylǵy 11 úzdik ınjener anyqtaldy.
Aıta keteıik, qazaqstandyq ınjener AQSh-taǵy eń úzdik 10 dron ázirleýshiniń qataryna endi.
Qazaq ınjenerleri ázirlegen kontroller Serbııa men Qytaı zaýyttarynda tıimdiligin dáleldedi.