Jańa jyl qarsańynda elimizdegi úsh vedomstvo ókilderi baspanaly boldy
ASTANA. KAZINFORM — Prezıdent Qasym-Jomart Toqaev Bas prokýratýra, Memlekettik kúzet qyzmeti, Іshki ister mınıstrligi qyzmetkerlerine páter kiltin tabystady. Bul týraly Aqordanyń baspasóz qyzmeti habarlady.
Jańa jyl qarsańynda prokýratýra men kúshtik qurylymnyń bir top qyzmetkeri baspanaly boldy.
Memleket basshysy Aqordada ótken saltanatty rásimde sóılegen sózinde ult qaýipsizdigin qamtamasyz etý, azamattardyń quqyǵyn qorǵaý jáne qoǵamdyq tártipti saqtaý strategııalyq mańyzy aıryqsha mindet ekenine nazar aýdardy.
— Sizder el tynyshtyǵyn qyraǵy qorǵap, turaqtylyqty saqtaýǵa zor úles qosyp júrsizder. Qoǵamda «Zań men tártip» jáne ádildik qaǵıdatyn ornyqtyrý úshin tabandy eńbek etip kelesizder. Jumystaryńyz — ońaı emes, kúrdeli. Soǵan qaramastan kásibı bilikti, jaýapkershiligi joǵary maman retinde elimizge adal qyzmet etip jatsyzdar. Barshańyzǵa shynaıy rızashylyǵymdy bildiremin. Minsiz qyzmet qashanda joǵary baǵalanýǵa tıis. Memleket ózderińiz sııaqty óz isine adal azamattardy árdaıym qoldaıdy, — dedi Qasym-Jomart Toqaev.
Budan buryn Memleket basshysynyń ókimimen Azamat Keskinbaev jańa qyzmetke taǵaıyndalǵanyn jazǵanbyz.