Elimizdiń úsh óńirinde kólik qozǵalysy shekteldi — QazAvtoJol

ASTANA. KAZINFORM — Aýa raıynyń buzylýyna baılanysty Shyǵys Qazaqstan, Abaı jáne Jetisý oblystarynda kólik qozǵalysy shekteldi, dep habarlaıdy «QazAvtoJol» UK baspasóz qyzmeti.

Aýa raıynyń buzylýyna baılanysty kelesi respýblıkalyq avtojoldarda júk jáne qoǵamdyq kólikterdiń qozǵalysyna shekteý qoıyldy:

Jetisý oblysy

— «Almaty-Taldyqorǵan-Óskemen-Shemonaıha-RF shekarasy» avtojolynyń 557-615 shaqyrym aralyǵyndaǵy ýchaskesi (Úsharal qalasynan Abaı oblysynyń shekarasyna deıin).

Abaı oblysy

— «Almaty-Taldyqorǵan-Óskemen-Shemonaıha-RF shekarasy» avtojolynyń 615-768 shaqyrym aralyǵyndaǵy ýchaskesi (Jetisý oblysynyń shekarasynan Aıagóz qalasyna deıin).

— «Taskesken-Baqty» avtojolynyń 0-75 shaqyrym aralyǵyndaǵy ýchaskesi (Taskesken aýylynan Úrjar aýylyna deıin).

Joldy 2025 jylǵy 30 qańtar saǵat 18:00–de ashý josparlanǵan.

Shyǵys Qazaqstan oblysy

— 2025 jylǵy 30 qańtarda saǵat 09:00–de ShQO-da qar kóshkininiń profılaktıkalyq túsýimen baılanysty «Óskemen-Altaı-Úlken Naryn-Katonqaraǵaı-Rahman qaınary» avtojolynyń 420-450 shaqyrymy aralyǵynda (Berel aýylynan Rahman qaınary shıpajaıyna deıin) kóliktiń barlyq túriniń qozǵalysyna shekteý qoıyldy.

2025 jylǵy 30 qantar saǵat 17:00–de joldy ashý josparlanǵan. 

Sonymen qatar «QazAvtoJol» respýblıkalyq avtojoldardaǵy aýa raıy týraly málimetpen bólisti.

— 2025 jylǵy 30 qańtar Aqmola, Aqtóbe, Abaı, Almaty, Jambyl, Jetisý, Pavlodar, Qaraǵandy, Qyzylorda, Qostanaı, Túrkistan, Soltústik Qazaqstan, Shyǵys Qazaqstan jáne Ulytaý oblystarynyń keı jerlerinde qar kútilýde. Sol sebepti júrgizýshilerge qaýipsizdik erejelerin qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz. 1403 baılanys ortalyǵyna habarlasyp, táýlik boıy qosymsha aqparat alýǵa bolady, — delingen habarlamada.

Buǵan deıin aýa raıyna baılanysty úsh oblysta jol jabylǵanyn jazdyq.