Elimizdiń úsh oblysynda kún raıyna baılanysty kólik qozǵalysy shekteldi

ASTANA. KAZINFORM — Pavlodar, Qaraǵandy jáne Abaı oblystarynda  aýa raıynyń kúrt buzylýyna baılanysty respýblıkalyq joldar jabyldy, dep habarlaıdy «QazAvtoJol» UK baspasóz qyzmeti.

12 qańtar saǵat 15:30–da kelesi respýblıkalyq mańyzy bar avtojoldarda kóliktiń barlyq túriniń qozǵalysyna shekteý qoıylady:

Pavlodar oblysy:

— «Qyzylorda — Jezqazǵan — Qaraǵandy — Shiderti» avtojolynyń 1135-1206 shaqyrym aralyǵy (Qaraǵandy oblysynyń shekarasy — Shiderti aýyly);

— «Qalqaman — Baıanaýyl — Úmitker — Botaqara» avtojolynyń 0-231 shaqyrym aralyǵy (Qalqaman aýyly — Qaraǵandy oblysynyń shekarasy);

— «Astana — Shiderti — Pavlodar — Ýspenka — RF shekarasy» avtojolynyń 200-431 shaqyrymy aralyǵy (Aqmola oblysy shekarasy — Atameken aýyly).

Qaraǵandy oblysy:

— «Qyzylorda — Jezqazǵan — Qaraǵandy — Shiderti» avtojolynyń 1067-1135 shaqyrym aralyǵy (Molodejnyı aýyly — Pavlodar oblysynyń shekarasy);

— «Qalqaman — Baıanaýyl — Úmitker — Botaqara» avtojolynyń 231-324 shaqyrym aralyǵy (Pavlodar oblysynyń shekarasy — Botaqara aýyly).

Aqmola oblysy:

— «Astana — Shiderti — Pavlodar — Ýspenka — RF shekarasy» avtojolynyń 16-200 shaqyrym aralyǵy (Astana qalasy — Pavlodar oblysynyń shekarasy).

Joldy 2026 jylǵy 12 qańtar saǵat 20:00–de ashý josparlanǵan.

12 qańtar saǵat 15:30–da kelesi respýblıkalyq avtojoldarda kóliktiń barlyq túrleri qozǵalysyna shekteý qoıyldy:

Pavlodar oblysy:

— «QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojolynyń 427-587 shaqyrym aralyǵy (Kenjekól aýyly — Abaı oblysy shekarasy).

Abaı oblysy:

— «QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojolynyń 587-733 shaqyrym aralyǵy (Pavlodar oblysy shekarasy — Semeı qalasy).

Joldy 2026 jylǵy 12 qańtar saǵat 20:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.  

Budan buryn dúısenbi kúni eldiń barlyq aýmaǵynda aýa raıyna baılanysty eskertý jarııalanǵanyn jazǵan edik.