Elimizdiń úsh oblysynda aýa raıyna baılanysty joldar jabyldy

ASTANA. KAZINFORM — 2026 jylǵy 10 aqpanda aýa raıynyń buzylýyna baılanysty birneshe respýblıkalyq mańyzy bar avtojoldarda júk jáne qoǵamdyq kólik túrleriniń qozǵalysyna ýaqytsha shekteý engizildi, dep habarlaıdy «QazAvtoJol» UK baspasóz qyzmeti.

Batys Qazaqstan oblysy: 

— «Aqtóbe — Oral — RF shekarasy» avtojolynyń 393-526 shaqyrym aralyǵy (Jympıty aýylynan Aqtóbe oblysynyń shekarasyna deıin).

Aqtóbe oblysy:

— «Aqtóbe — Oral — RF shekarasy» avtojolynyń 526-710 shaqyrym aralyǵy (Qurshasaı aýyly — Batys Qazaqstan oblysynyń shekarasy).

Shyǵys Qazaqstan oblysy:

— «Óskemen — Rıdder — RF shekarasy» avtojolynyń 15-105 shaqyrymy aralyǵy (Beloýsovka aýylynan Rıdder qalasyna deıin);

— «Óskemen — Rıdder — RF shekarasy» avtojolynyń 129-169 shaqyrymy aralyǵy (Rıdder qalasynan Batys Altaı qoryǵyna deıin).

Joldy 2026 jylǵy 10 aqpan saǵat 20:00–de ashý josparlanǵan.

Aqtóbe oblysy:

10 aqpan saǵat 13:45–te aýa raıynyń buzylýyna baılanysty respýblıkalyq mańyzy bar «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-965 shaqyrym aralyǵyndaǵy (EKO oıl janarmaı stansasy — Qarabutaq aýyly) jáne avtojoldyń 965-1240 shaqyrym aralyǵynda (Qarabutaq aýylynan Qyzylorda oblysynyń shekarasyna deıin) barlyq kólik qozǵalysyna ýaqytsha shekteý qoıyldy. 

Joldy 2026 jylǵy 11 aqpan saǵat 08:00–de ashý josparlanǵan.

Budan buryn borandy kúni Aqtóbede jol-kólik apatynan tórt adam mert bolǵanyn jazǵanbyz.