Elimizdiń toǵyz qalasynda aýa sapasy nasharlaıdy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 15 naýryzda aýanyń lastanýynyń qolaısyz meteorologııalyq jaǵdaılary Almaty, Oral, Qaraǵandy, Balqash, Jezqazǵan, Temirtaý, Aqtóbe qalalarynda, túnde Qostanaı, Atyraý qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, elimizde qaldyqtardy basqarý júıesiniń jańa modeli usynyldy. 

Al Shymkentte qorǵasyn óndiretin kásiporynǵa 17 mıllıon teńge aıyppul salyndy.

Almatyda 2026 jyly egiletin aǵash pen buta sany artty.