Elimizdiń tarıhyna qatysty kóne derekter kórsetilgen «Uly dala tarıhynyń jazba muralary» kórmesi ótti
ASTANA. KAZINFORM — Qoljazbalar jáne sırek kitaptar ulttyq ortalyǵy 2024 jylǵy arheografııalyq ekspedıtsııalar nátıjeleri boıynsha esep berip, elimizdiń tarıhyna qatysty kóne derekter kórsetilgen «Uly dala tarıhynyń jazba muralary» atty kórmesin uıymdastyrdy.
Memleket basshysy Qasym-Jomart Toqaev Ulttyq quryltaıdyń úshinshi otyrysynda elimizdiń tarıhyn zertteý men nasıhattaýǵa, til máselesine, onomastıka, tarıhı muralar men tarıhı tulǵalarǵa, tabıǵı jáne tarıhı mekenderge, erekshe nazar aýdardy. Sonymen qatar, Prezıdent tarıhı-mádenı jádigerlerdi, olardyń kóshirmelerin Qazaqstanǵa qaıtarý jumystaryn jandandyrý da asa mańyzdy ekenin atap ótti.
Mádenıetjáneaqparatmınıstrligibaspasózqyzmetiniń málimetinshe, kórmede Ulybrıtanııadan ákelingen 15 qoljazba men arhıvtik qujattyń kóshirmeleri jáne respýblıka aýmaǵynda anyqtalǵan 150-den asa kóne qoljazba men sırek qundy kitaptar kórmege qoıyldy. Olardyń ishinde túrki-ıslam mádenıetiniń qundy eskertkishi, alǵash túrki tiline aýdarylǵan qasıetti Quran kitaby (X-XII ǵǵ.), Ábý Nasyr ál-Farabı, Qoja Ahmet ıAssaýı, Súleımen Baqyrǵanı eńbekteriniń kóshirmeleri, XI ǵasyrdaǵy parsy tarıhshysy Gardızıdiń «Zeın-ál-ahbar» qoljazbasy, t.b. bar.
Sonymen qatar «ULY DALA MURASY» ǵylymı-tanymdyq jýrnalynyń jańa nusqasy jáne shetelderde anyqtalǵan kóne derekter boıynsha «Sheteldik qorlardaǵy qundy jazba muralary» atty katalog-albomynyń tusaýy kesildi.
Sonymen qatar ulttyq qundylyqtarymyzdy jınaqtaý, olardy keler urpaqqa saqtaýdyń mańyzdylyǵy men osy salada búgingi kúni týyndaǵan ózekti máseleleri talqylandy.
