Elimizdiń taǵy eki óńirinde respýblıkalyq mańyzy bar joldar jabyldy

ASTANA. KAZINFORM — Qazaqstannyń birneshe oblysynda aýa raıynyń qolaısyzdyǵyna baılanysty kólik qozǵalysyna shekteý qoıyldy, dep habarlaıdy «QazAvtoJol» UK baspasóz qyzmeti.

2026 jylǵy 10 naýryz saǵat 03:30-da aýa raıynyń buzylýyna baılanysty respýblıkalyq mańyzy bar avtojoldarda barlyq kólik túrleriniń qozǵalysyna shekteý engizildi. 

Jambyl oblysy: 

- «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 534-593-shaqyrym aralyǵy (Aısha bıbi aýyly — Túrkistan oblysynyń shekarasy). 

Túrkistan oblysy: 

- «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 593-654-shaqyrym aralyǵy (Jambyl oblysynyń shekarasy — Mashat aýyly). 

Joldy 2026 jylǵy 10 naýryz kúni saǵat 10:00-de ashý josparlanǵan.

Aıta keteıik, buǵan deıin aýa raıynyń qolaısyzdyǵyna baılanysty 6 oblysta respýblıkalyq mańyzy bar joldar jabylǵanyn jazdyq.