Elimizdiń taǵy eki óńirinde kólik qozǵalysyna shekteý qoıyldy

ACTANA. KAZINFORM – QazAvtoJol ulttyq kompanııasy aýa raıynyń nasharlaýyna baılanysty taǵy eki óńirdegi respýblıkalyq mańyzy bar joldardyń jekelegen ýchaskelerinde kólik qozǵalysyna shekteý qoıylǵanyn habarlady.

Aqmola oblysy:

30 jeltoqsan kúni saǵat 04:30-da respýblıkalyq mańyzy bar «KAZ 01 «Astana-Qaraǵandy-Almaty» 30-92-shaqyrym aralyǵynda (Jibek-Joly aýlynan Anar stansasyna deıin) barlyq kólik túrleriniń qozǵalysyna shekteý qoıyldy. 

30 jeltoqsanda, saǵat 04:45-da respýblıkalyq mańyzy bar ««Astana-Qorǵaljyn» 36-180-shaqyrym aralyǵynda (Aqmol aýylynan-Qarajar aýylyna ) barlyq kólik túrleriniń qozǵalysyna shekteý qoıyldy.

30 jeltoqsan kúni saǵat 04:45-da respýblıkalyq mańyzy bar «Astana-Qabanbaı batyr-Nura-Temirtaý» 35-51-shaqyrym aralyǵynda (Qabanbaı batyr aýylynan Qaraǵandy obl, shekarasyna deıin ) barlyq kólik túrleriniń qozǵalysyna shekteý qoıyldy.

Qaraǵandy oblysy:

30 jeltoqsan kúni saǵat 04:45-da respýblıkalyq mańyzy bar «Astana-Qabanbaı batyr-Nura-Temirtaý» 51-101-shaqyrym aralyǵynda (Aqmola obl.shekarasynan Nura aýylyna deıin.) barlyq kólik túrleriniń qozǵalysyna shekteý qoıyldy.

Joldy búgin saǵat 08:00-de ashý josparlanǵan. 

Aıta keteıik, elimizde aýa raıynyń qolaısyzdyǵyna baılanysty joldar jabylǵan óńirler qatary artyp kele jatqanyn jazdyq.