Elimizdiń sý mamandary Qytaı jáne Frantsııada biliktiligin arttyratyn boldy
ASTANA. KAZINFORM - Sý resýrstary jáne ırrıgatsııa mınıstrligi Qytaı jáne Frantsııamen qazaqstandyq sý mamandaryn biliktilik arttyrý kýrstarynan ótkizý týraly kelisimge keldi.
Sý resýrstary jáne ırrıgatsııa mınıstrligi 2025 jyly qazaqstandyq sý salasynyń mamandaryn Qytaı men Frantsııada biliktilik arttyrý kýrstarynan ótkizý týraly kelissóz júrgizýde. Bul týraly vedomstvo basshysy Nurjan Nurjigitov Qaraǵandy oblysynyń turǵyndarymen kezdesýi kezinde málimdedi.
«Bilikti mamandardyń jetispeýshiligi - kún tártibindegi másele, sondyqtan kadr daıarlaý - bizdiń jumysymyzdyń mańyzdy baǵyttarynyń biri. Bıyl «Qazsýshar» mekemesiniń 450 mamany biliktilik arttyrý kýrstarynan ótýde. Al Tarazda Ulttyq sý sharýashylyǵy jáne ırrıgatsııa ýnıversıteti ashyldy. «Bolashaq» baǵdarlamasyna sý mamandyqtary engizildi. Sonymen qatar, bıyl 523 túlek sý salasy mamandyqtary boıynsha grantqa tústi. Bul ótken jyldan eki ese kóp», - dedi Sý resýrstary jáne ırrıgatsııa mınıstri Nurjan Nurjigitov.
