Elimizdiń sý qoımalaryndaǵy jaǵdaı qandaı

ASTANA. KAZINFORM — Sý resýrstary jáne ırrıgatsııa mınıstrligi tasqyn sýyn qabyldap, qaýipsiz ótkizý úshin elimizdiń soltústik, batys, shyǵys jáne ortalyq óńirlerindegi iri sý qoımalarynan sý jiberip jatyr. 

16 naýryzdaǵy jaǵdaı mynadaı:

Aqmola oblysynda Sileti sý qoımasynan sekýndyna 1,74 tekshe metr, Shaǵalaly sý qoımasynan sekýndyna 1,16 tekshe metr sý jiberilip jatyr.

Aqtóbe oblysynda Aqtóbe sý qoımasynan sekýndyna 1 tekshe metr jáne Qarǵaly sý qoımasynan sekýndyna 0,3 tekshe metr sý jiberilip jatyr. Búgingi tańda eki nysan orta eseppen 36%-ǵa toly.

Shyǵys Qazaqstan oblysynda Buqtyrma sý qoımasynan sekýndyna 552 tekshe metr, al Óskemen sý qoımasynan sekýndyna 421 tekshe metr sý jiberilip jatyr.

Abaı oblysynda Shúlbi sý qoımasynan sekýndyna 651 tekshe metr sý jiberilip jatyr.

Batys Qazaqstan oblysynda Kırov sý qoımasynan sekýndyna 5 tekshe metr, Bitik sý qoımasynan sekýndyna 14 tekshe metr, Dóńgelek jáne Pıatımar sý qoımalarynan sekýndyna 2 tekshe metrden sý jiberilip jatyr.

Qaraǵandy oblysynda Yntymaq sý qoımasynan sekýndyna 3 tekshe metr, Samarqand sý qoımasynan sekýndyna 3 tekshe metr sý jiberilip jatyr.

Qostanaı oblysynda Joǵarǵy Tobyl sý qoımasynan sekýndyna 1,1 tekshe metr jáne Qaratomar sý qoımasynan sekýndyna 3 tekshe metrden sý jiberilip jatyr.

Soltústik Qazaqstan oblysynda Sergeev sý qoımasynan sekýndyna 15,8 tekshe metr, Petropavl sý qoımasynan 13,9 tekshe metr sý jiberilip jatyr. 

Aıta ketelik kóktemde sý tasqyny bolýy múmkin óńirler atalǵan edi.