Elimizdiń sý qoımalaryndaǵy jaǵdaı qandaı

ASTANA. KAZINFORM – Sý resýrstary jáne ırrıgatsııa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr. 

Búgingi tańda jaǵdaı kelesideı:

Aqmola oblysynda Astana jáne Sileti sý qoımalarynan sekýndyna 11,7 tekshe metr sý jiberilýde.

Aqtóbe oblysyndaǵy Aqtóbe jáne Qarǵaly sý qoımalarynan sekýndyna 1 tekshe metr sý jiberilýde. Byltyr rekonstrýktsııa jasalǵan eki sý qoımasy belsendi sý jınap jatyr. Búgingi tańda eki nysan orta eseppen 28%-ǵa toly. 

Shyǵys Qazaqstan oblysynda Buqtyrma sý qoımasynyń kontrrettegishi bolyp tabylatyn Óskemen sý qoımasynan sekýndyna 1068 tekshe metr sý jiberilýde.

Abaı oblysyndaǵy Shúlbi sý qoımasynan sekýndyna 625 tekshe metr sý jiberilýde.

Batys Qazaqstan oblysynda Kırov, Bitik, Dóńgelek jáne Pıatımar sý qoımalarynan sekýndyna 37,8 tekshe metr sý jiberilýde.

Qaraǵandy oblysynda Yntymaq, Samarqand jáne Sherýbaı-Nura sý qoımalarynan sekýndyna 48,8 tekshe metr sý jiberilýde.

Qostanaı oblysynda Joǵarǵy Tobyl jáne Qaratomar sý qoımalarynan sekýndyna 20 tekshe metr sý jiberilýde.

Soltústik Qazaqstan oblysynda Sergeev jáne Petropavl sý qoımalarynan sekýndyna 30,7 tekshe metr sý jiberilýde.

Aıta keteıik, buǵan deıin Irekli sý qoımasynan qansha sý kelip jatqanyn jazdyq.