Elimizdiń sý qoımalaryndaǵy jaǵdaı qalaı

ASTANA. KAZINFORM — Sý resýrstary jáne ırrıgatsııa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr.

22 naýryz kúngi jaǵdaı kelesideı:

Aqmola oblysynda Sileti sý qoımasynan sekýndyna 30 tekshe metr, Shaǵalaly sý qoımasynan sekýndyna 40 tekshe metr sý jiberilip jatyr.

Aqtóbe oblysyndaǵy Aqtóbe sý qoımasynan sekýndyna 50 tekshe metr, Qarǵaly sý qoımasynan sekýndyna 0,5 tekshe metr sý jiberilip jatyr. Byltyr rekonstrýktsııa jasalǵan eki sý qoımasy belsendi sý jınap jatyr. Búgingi tańda eki nysan orta eseppen 62 %-ǵa toly.

Shyǵys Qazaqstan oblysynda Buqtyrma sý qoımasynan sekýndyna 587 tekshe metr, al Óskemen sý qoımasynan 600 tekshe metr sý jiberilip jatyr.

Abaı oblysyndaǵy Shúlbi sý qoımasynan sekýndyna 660 tekshe metr sý jiberilip jatyr.

Batys Qazaqstan oblysynda Kırov jáne Bitik sý qoımalarynan sekýndyna 10,1 tekshe metrden, Dóńgelek jáne Pıatımar sý qoımalarynan sekýndyna 7,6 tekshe metrden sý jiberilip jatyr.

Qaraǵandy oblysynda Yntymaq sý qoımasynan sekýndyna 30 tekshe metr, Samarqand sý qoımasynan 20 tekshe metr jáne Sherýbaı-Nuradan 13,7 tekshe metr sý jiberilip jatyr.

Qostanaı oblysynda Joǵarǵy Tobyl sý qoımasynan sekýndyna 1,1 tekshe metr jáne Qaratomar sý qoımasynan sekýndyna 3 tekshe metrden sý jiberilip jatyr. Búgingi tańda eki nysan orta eseppen 64%-ǵa toly.

Soltústik Qazaqstan oblysynda Sergeev sý qoımasynan sekýndyna 343,8 tekshe metr, Petropavl sý qoımasynan 56,7 tekshe metr sý jiberilip jatyr.

Aıta ketelik búgin - dúnıejúzilik sý resýrstary kúni.