Elimizdiń sý qoımalaryndaǵy búgingi jaǵdaı belgili boldy

ASTANA. KAZINFORM – Sý resýrstary jáne ırrıgatsııa mınıstrligi tasqyn sýyn qabyldaý jáne qaýipsiz ótkizý úshin elimizdiń soltústik, batys, shyǵys jáne ortalyq aımaqtaryndaǵy iri sý qoımalarynan sý jiberip jatyr.

8 sáýir kúngi jaǵdaı kelesideı:

Aqtóbe, Qostanaı jáne Batys Qazaqstan oblystarynyń sý qoımalarynda sý tasqynynyń belsendi kezeńi aıaqtaldy.

Aqmola oblysynda Astana sý qoımasynan sekýndyna 205,56 tekshe metr, Sileti sý qoımasynan 151,74 tekshe metr, Shaǵalaly sý qoımasynan sekýndyna 15 tekshe metr sý jiberilýde.

Shyǵys Qazaqstan oblysynda Buqtyrma sý qoımasynan sekýndyna 455 tekshe metr, al, Óskemen sý qoımasynan 450 tekshe metr sý jiberilýde.

Abaı oblysyndaǵy Shúlbi sý qoımasynan sekýndyna 748 tekshe metr sý jiberilýde.

Qaraǵandy oblysynda Yntymaq sý qoımasynan sekýndyna 8 tekshe metr, Samarqand sý qoımasynan 2 tekshe metr sý jiberilýde.

Ulytaý oblysy Keńgir sý qoımasynan sekýndyna 330,98 tekshe metr sý jiberilýde. 

Soltústik Qazaqstan oblysynda Sergeev sý qoımasynan sekýndyna 1072,4 tekshe metr, Petropavl sý qoımasynan 856,6 tekshe metr sý jiberilýde.

Keshe Aqmolanyń Staryı Kolýton aýylynda kólik qatynasy úzilgenin jazdyq.