Elimizdiń soltústiginde burshaq jaýyp, ońtústiginde daýyl turady - Qazgıdromet

ASTANA. KAZINFORM – «Qazgıdromet» RMK-sy maýsymnyń 20-sy kúngi kún raıy boljamyn jarııalady. 

Kásiporynnyń boljamyna qaraǵanda, elimizdiń batysynda, shyǵysynda, ortalyǵynda antıtsıklonnyń áserinen kún jaýyn-shashynsyz bolady.

Qazaqstannyń qalǵan bóliginde kún áli de qubylmaly, atmosferalyq aǵyndardyń ótýine oraı naızaǵaı oınap, jańbyr jaýady, elimizdiń soltústiginde, soltústik-batysynda burshaq jaýyp, ońtústiginde daýyl turady. Respýblıka boıynsha jel kúsheıedi.

Kúndiz Atyraý, Mańǵystaý, Qyzylorda oblystarynda, Batys Qazaqstan, Aqtóbe, Qostanaı oblystarynyń ońtústiginde aptap ystyq bolady, Ulytaý, Túrkistan oblysynyń shóldi aýdandarynda qatty ystyq kútiledi.

Aqtóbe, Almaty oblystarynda, Ulytaý oblysynyńsoltústiginde, shyǵysynda, Abaı oblysynyń soltústiginde, ortalyǵynda, Qaraǵandy oblysynyń batysynda, ortalyǵynda,Batys Qazaqstan oblysynyń batysynda, soltústiginde, ortalyǵynda, Aqmola oblysynyń batysynda, ońtústiginde, Shyǵys Qazaqstan oblysynyń ońtústiginde, Qyzylorda oblysynyń soltústik-shyǵysynda, Mańǵystaý oblysynyń jaǵalaýynda, Jetisi oblysynyń soltústiginde joǵary órt qaýipi saqtalady.

Atyraý,  Mańǵystaý, Túrkistan, Jambyl, Qyzylorda, Ulytaý oblystarynda, Batys Qazaqstan oblysynyń ońtústik-batysynda, ońtústiginde, Aqtóbe oblysynyń batysynda, ońtústiginde, Almaty oblysynyń soltústik jartysynda, Qostanaı, Qaraǵandy, Abaı oblystarynyń ońtústiginde, Jetisý oblysynyń shyǵysynda tótenshe órt qaýipi saqtalady.