Elimizdiń soltústiginde 5 gradýsqa deıin úsik júrip, ońtústikte jańbyr jaýady

ASTANA. KAZINFORM – Aldaǵy úsh kúnde Qazaqstannyń basym bóligine aýqymdy antıtsıklon yqpal etip, jaýyn-shashynsyz kún raıy saqtalady.

«Qazgıdromet» RMK habarlaýynsha, respýblıkanyń tek ońtústik bóligi ǵana tsıklonnyń jáne onymen baılanysty atmosferalyq frontaldy bólikterdiń yqpalynda bolady, onda jańbyr jaýyp, naızaǵaı oınaıdy. Sondaı-aq respýblıka boıynsha jel kúsheıedi. Elimizdiń soltústiginde, soltústik-batysynda jáne shyǵysynda túnde jáne tańerteń tuman túsip, 17-19 qyrkúıekte aýanyń temperatýrasy 2-5 gradýsqa deıin tómendeıdi. 

Kúndiz respýblıkanyń batysynda aýanyń temperatýrasy +20+28°S, soltústik-batysta +12+23°S, shyǵysta +5+20°S, ońtústiginde +20+30°S. respýblıkanyń soltústigi men ortalyǵynda +10+20°S, ońtústik-shyǵysta +17+28°S.