Elimizdiń soltústigi men shyǵysyndaǵy keıbir qalalarda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
– 28 sáýirde qolaısyz meteorologııalyq jaǵdaılar túnde Astana, Kókshetaý, Óskemen, Rıdder qalalarynda kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala ketsek, Qazaqstan «Ortalyq Azııanyń jasyl qalqany» bastamasyn usyndy.
Sondaı-aq 2100 jylǵa qaraı muzdyqtardyń 85%-y joıylýy múmkin – Ortalyq Azııa elderi ortaq áreketke kóshti.
