Elimizdiń shyǵys óńirinde kún raıyna baılanysty joldar jabyldy
ASTANA. KAZINFORM — Shyǵys Qazaqstan jáne Abaı oblystarynda aýa raıynyń kúrt nasharlaýy saldarynan kólik qozǵalysy shekteldi, dep habarlaıdy «QazAvtoJol» UK.
2025 jylǵy 2 aqpan saǵat 15:30–da aýa raıynyń buzylýyna baılanysty kelesi respýblıkalyq avtojoldarda kóliktiń barlyq túri qozǵalysyna shekteý qoıylady. Atap aıtqanda:
Abaı oblysy
— «Almaty-Taldyqorǵan-Óskemen-Shemonaıha-RF» avtojolynyń 971-1013 shaqyrym aralyǵy (Qalbataý aýyly — Shyǵys Qazaqstan oblysy shekarasy);
Shyǵys Qazaqstan oblysy
— «Almaty-Taldyqorǵan-Óskemen-Shemonaıha-RF» avtojolynyń 1013-1048 shaqyrym aralyǵy (Abaı oblysy shekarasy-Ulan aýyly);
Aıta keteıik, joldy 2025 jylǵy 3 aqpan saǵat 06:00–de ashý josparlanǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady.
Osyǵan deıin Qazaqstannyń 16 óńirinde aýa raıyna baılanysty eskertý jarııalandy.