Elimizdiń orman qorynda bir táýlikte úsh órt oqıǵasy tirkeldi
ASTANA. KAZINFORM — 25 shildede Respýblıka boıynsha orman qory jerinde 3 órt tirkeldi. Bul týraly Ekologııa jáne tabıǵı resýrstar mınıstrligi málim etti.
— Býrabaı ulttyq parkinde 2 órt tirkelip, «Kazavıaormanqorǵaý» RMQK-nyń Mı-8 tikushaǵy jumyldyrylyp, ormanshylar men «Kazavıaormanqorǵaý» áýe desantshylarynyń jedel ári úılesimdi is-qımylynyń arqasynda oqshaýlaý jumysy jedeldetildi, — delingen habarlamada.
«Semeı ormany» rezervatynda naızaǵaı áserinen oryn alǵan az aýmaqty qamtıtyn órt oshaǵy qysqa merzimde tolyq sóndirildi.
— Órt qaýipti kezeńde tabıǵat aıasynda demalýshylardy jáne orman paıdalanýshylardy órt qaýipsizdigiń qatań saqtaýǵa shaqyramyz, — dep eskertti mınıstrlikten.
Buǵan deıin Qazaqstanda bir kúnde tórt orman órti tirkelgenin jazǵan edik.
