Elimizdiń ońtústik óńiri Kongo-Qyrym gemorragııalyq qyzbasynyń tabıǵı oshaǵy bolyp qala beredi
ASTANA. KAZINFORM — Densaýlyq saqtaý mınıstrligi elimizdiń ońtústik aımaǵy Kongo-Qyrym gemorragııalyq qyzbasynyń tabıǵı oshaǵy bolyp qala beretinin málimdedi.
Keneniń shaǵýy arqyly nemese juqtyrǵan janýarlarmen janasý arqyly beriletin qaýipti vırýstyq aýrý — Kongo-Qyrym gemorragııalyq qyzbasy dep atalady.
Atalǵan vırýs aýyr, al ólim deńgeıi 30%-ǵa deıin jetýi múmkin.
Aýrýdy juqtyrǵan jaǵdaıda, kelesideı belgiler bolý múmkin:
- joǵary temperatýra 39-40°C deıin;
- álsizdik;
- bulshyqet aýrýy;
- bas aýrýy.
Birneshe kúnnen keıin qan ketý paıda bolýy múmkin — bul óte qaýipti jaǵdaı.
Densaýlyq saqtaý mınıstrligi búgingi tańda KQGQ-ǵa qarsy vaktsına joq ekenin eskertedi.
Adamdar ózin tek profılaktıka arqyly qorǵaı alady.
Qaýip aımaǵynda:
— aýyldyq jerlerdiń turǵyndary men qyzmetkerleri
— janýarlarmen baılanysta bolatyn adamdar
— medıtsına qyzmetkerleri
— endemııalyq aýdandardaǵy barlyq adamdar
Ne isteý kerek:
- tabıǵatqa shyǵý kezinde repellentterdi qoldanyńyz
- ózińizdi jáne jaqyndaryńyzdy kenelerge únemi tekserip otyryńyz
- janýarlarmen tek qorǵanys kıiminde jumys isteńiz
- mal men úı-jaılardy óńdeýdi júrgizińiz
Mamandar kene shaqqan jaǵdaıda dereý dárigerge habarlasýǵa keńes beredi.
Keneni óz betińshe alyp tastaýǵa bolmaıtynyn eskertedi.
Ýaqtyly medıtsınalyq kómekke júginý ómirdi saqtap qalýy múmkin.
Buǵan deıin Shyǵys Qazaqstanda 16 adamdy kene shaqqany belgili boldy.
