Elimizdiń ońtústiginde jer silkindi

ASTANA. KAZINFORM — Jer silkinisiniń oshaǵy Túrkistan oblysy Keles aýdany Abaı aýylynan 16 km qashyqtyqta ornalasqan, dep habarlaıdy TJM.

QR TJM «NNTsSNI» JShS seısmıkalyq stantsııalar jelisimen 2025 jylǵy 12 naýryzda Astana ýaqytymen 6 saǵat 15 mınýtta jer silkinisi tirkeldi. 

— Jer silkinisiniń oshaǵy Ózbekstan Respýblıkasynyń aýmaǵynda Almaty qalasynan ońtústik-batysqa qaraı 684.00 km jerde ornalasqan. (Túrkistan oblysy Keles aýdany Abaı aýylynan 16 km qashyqtyqta). Keles aýdanynyń Abaı aýylynda 3.0 b., Saryaǵash aýdanynyń Saryaǵash qalasynda 3.0 b. shamasynda bolǵan. Zardap shekkender men qıraýlar týraly málimet túsken joq, — delingen habarlamada.

TJM «Qazseldenqorǵaý» MM mamandary ózen arnalaryn, gıdrotehnıkalyq qurylystardy, kóshkin qaýipti jáne sel qaýipti ýchaskelerdi zertteý boıynsha monıtorıng júrgizdi. Sondaı-aq, tirshilikti qamtamasyz etý nysandaryn aralap, tekserdi. 

— Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys isteıdi. Qıraýlar men zardap shekkender týraly málimet túsken joq. Jaǵdaı turaqty, — dep atap ótti vedomstvo ókilderi.

Jer silkinisi kezindegi 10 qarapaıym qadam

1. Jer dúmpýi kezinde úreılenbeńiz;

2. Jer silkiný kezinde lıft jáne baspaldaqpen qoldanbańyz;

3. Jıhazdan, terezeden, ary turyńyz;

4. Jasyrynatyn jerdi tabyńyz — joǵarǵy qabattarda negizgi irgeli qabyrǵalardyń buryshynda oryn alyp jasyryńyz;

5. Ǵımarattan shyǵyńyz (tómengi qabattarda); — kóp qabatty úılerde jer silkis aıaqtalǵan soń ǵımarattan shyǵyńyz;

6. Keter aldynda sýdy, gazdy, elektr qýatyn múmkindigińizshe óshirińiz;

7. Dabyl jol sandyǵyn alyńyz (aldyn ala daıyndaý qajet);

8. Elektr jelilerden, ǵımarat, aǵashtardan aýlaq bolyńyz; 

9. Jer silkinýine daıyn bolyńyz;

10. Qart adamdarǵa, balalarǵa, múmkindigi shekteýli adamdarǵa kómek kórsetińiz.

Eske salsaq, keshe Jarkent turǵyndary jer silkinisin sezgenin jazdyq.